काठमाडौं । प्रहरी प्रधान कार्यालयले प्रहरी नियमावलीमा भएको दशौं संशोधन राजपत्रमा प्रकाशित भएसँगै नयाँ सृजना भएको वरिष्ठ हवल्दार पदमा ५०५ जनाको बढुवा सिफारिस गरेको छ ।
प्रहरी प्रधान कार्यालयले हाल हवल्दार रहेका ५०५ जनालाई वरिष्ठ हवल्दारमा बढुवा सिफारिस गरेको हो । प्रहरी प्रधान कार्यालय बढुवा समितिका अनुसार वरिष्ठ हवल्दारमा बढुवा गर्नुपर्ने ३३८३ मध्ये दोस्रो सूचीमा ५०५ जनाको बढुवा सिफारिस भएको हो ।
यसअघि बिहीवार मात्रै ११७३ जनाको बढुवा सिफारिस भएको थियो ।
