विराटनगर । युवतीलाई करणी गरेको अभियोगमा काठमाडौंको बूढानीलकण्ठबाट एक युवक समातिएका छन् । जबरजस्ती करणीको अभियोगमा उनलाई प्रहरीले हिजो साँझ समातेको हो ।
पक्राउ पर्नेमा मोरङको विराटचोक घर भई हाल बूढानीलकण्ठ नगरपालिका–५, विष्णुमतीमा डेरा गरी बस्ने २८ वर्षीय विनोद भण्डारी हुन् ।प्रहरीका अनुसार भण्डारीले स्थानीय बाडेपाखास्थित खुल्ला चौरमा २० वर्षीया युवतीलाई जबरजस्ती करणी गरेका थिए ।
भण्डारीले पीडित महिलालाई लागूऔषध सेवन गराई बिहीबार साँझ पटक–पटक जबरजस्ती करणी गरेको रहस्य खुलेको छ ।घटनाबारे प्रहरीले थप अनुसन्धान थालेको छ । भण्डारी प्रहरी हिरासतमा छन् ।
