सिरहा । भारतीय सीमा सुरक्षा बल (एसएसबी) द्वारा सिरहाको नवराजपुर गाउँपालिका वडा नम्बर – ५ स्थित घरमोहना तोरयाही सिमा नाकामा एक नेपाली निर्घात कुटिएका छन् ।
सनिवार भारत विहारको मधुबनी जिल्लाअन्तर्गत पर्ने घरमोहना बोडरमा सीमा सुरक्षाका लागि खटिरहेका एसएसबीका घुमुवाले दसगजा मा स्थानीयवासी बिमल यादवलाई निर्घात कुटपिट गरेका हुन् ।
एसएसबी जिब्रान्चका घुमुवा राकेश चौबेले यादवलाई लट्ठी र बुटले कुटेपछि उनी गम्भीर घाइते भएका छन् भने उनीहरुको उपचार स्थानीय स्वास्थ्य संस्थामा भइरहेको छ ।
यादवलाई नै एसएसबीक घुमुवाले मेरो सुराकी गरेको भन्दै निर्घात कुटपिट गरेको पीडितले बताएका छन् । यसले गर्दा घरमोहना र तोरयाहीको सीमा नाकामा स्थानीय र एसएसबीबीच तनाव पैदा भएको छ । सो सीमा नाका दिउँसोदेखि अवरुद्ध रहेको थियो ।
