सिरहा । पत्रकारविरुद्ध जथाभावी लेख्ने सिरहा सदरमुकामका एक प्रन्सिपलविरुद्ध उजुरी परेको छ । सिरहा सदरमुकामस्थित सञ्चालित मर्निङ पल सेकेन्डरी स्कूलका प्रीन्सिपल लोचन चोरवार यादवविरुद्ध नेपाल पत्रकार महासंघ सिरहाको तर्फबाट सचिव शिवदयाल यादवले उजुरी गरेका हुन् ।
उनलाई आज मंगलबार प्रहरीले जिल्ला प्रहरी कार्यालय सिरहामा झिकाउँदैछ । जिल्लामा कोभिड १९ का कारण डीएमसीसीको सिफारिसमा जिल्ला प्रशासनले शैक्षिक संस्थाहरु बन्द राखेका छन् ।
प्रीन्सिपल यादवले पत्रकारहरुकै कारण विद्यालय बन्द रहेकोे भन्दै सिरहामा पनि पत्रकारको नाकको डाडी भाँच्ने इटहरीका मेयर द्वारिका चौधरी जस्तो मेयरको खाँचो रहेकोे समाजिक सञ्जालमा लेखेका थिए । यतिमात्र नभई पत्रकारिता जगतकै प्रतिष्ठामा आँच आउने गरी उनले पटकपटक अभिव्यक्ति दिँदै आएका थिए ।
उनको अभिव्यक्तिमाथि पत्रकार महासंघ सिरहाले आपत्ति जनाउँदै कडा कानुन कारवाहीको माग गरेको छ ।
