संखुवासभा । अपरचित महिलालाई घरमा एक्लै भएको मौकामा जबरजस्ती करणी (बलात्कार) गरेर फरार रहेका आरोपीलाई प्रहरीले आठ महिनापछि पक्राउ गरेको ।
इलाका प्रहरी कार्यालय चैनपुरले जबरजस्ती करणी मुद्दाका फरार प्रतिवादी संखुवासभा मादी नगरपालिका ५ घर भएका ३१ वर्षी ज्ञानबहादुर मोक्तानलाई पक्राउ गरेको हो ।मोक्तानले सोही नगरपालिकाकी एक ३६ वर्षीय महिलाको १८ मंसिर २०७७ मा बलात्कार गरेका थिए । श्रीमान काममा बाहिर गएका समय एकान्तमा रहेको घरमा एक्लै रहेकी महिला देखेपछि मोक्तानले करणी गरेको प्रहरीले जनाएको छ ।
पीडित महिलाले घटना भएको ४ दिनपछि उनका परिवारको सहयोगमा प्रहरीमा जाहेरी दिएकी थिइन् । प्रहरी निरीक्षक योगराज खतिवडाका अनुसार एउटै नगरपालिका भएपनि पीडित र पीडिकको घर केही दुरीमा रहेको बताए । उनले महिला चारदिनपछि प्रहरीमा आउँदा उनको शरिरमा घाउचोटहरु थिए ।
प्रहरीले मोक्तानलाई सोमबार इलाका प्रहरी कार्यालय चैनपुर मातहत रहेको प्रहरी चौकी मादी राम्बेनीबाट खटिएको विशेष टोलीले पक्राउ गरेको हो । उनी बिरुद्ध अदालतबाट सात दिनको म्याद लिएर थप अनुसन्धान भइरहेको जिल्ला प्रहरी कार्यालय संखुवासभाका प्रमुख प्रहरी नायव उपरीक्षक लालध्वज सुबेदीले बताए ।
