पर्सा । वीरगञ्जबाट प्रतिवन्धित लागुऔषध एम्पुल सहित दुईजना पक्राउ परेका छन् । पक्राउ पर्नेमाहरुमा पर्साको अटो रिक्सा चालक पकहामैनपुर गाउँपालिका १ धोरे बस्ने बर्ष २८ जलान्धर दास र अटोमा सवार बर्ष २० का जयप्रकाश मेहता छन् ।
दुबैजनालाई वीरगञ्ज महानगरपालिका १९ बर्वाकाबाट ६ सयथान एम्पुलसहित पक्राउ गरेको प्रहरीले जनाएको छ ।
जिल्ला प्रहरी कार्यालय पर्सा र इलाका प्रहरी कार्यालय पोखरीयाको संयुक्त टोलिले चेकजाँचको क्रममा दुबैजनालाई पक्राउ गरी थप अनुसन्धान गरिरहेको जनाएको छ ।
लागुऔषध नियन्त्रण गर्न हामीले विशेष प्रहरी परिचालनमा जोड दिएका छौ,’ एसपी बेल बहादुर पाण्डेले भने, ‘पछिल्ला दिनहरुमा राम्रो नतिजा ल्याएपनि जिल्लामा लागुऔष बढ्दै गएको पाएको छु।’
पक्राउ परेकाहरुलाई लागुऔषध नियन्त्रण सम्बन्धी ऐन २०३३ को दण्ड ‘ज’ बमोजिम कारबाही हुने पाण्डेले जानकारी दिए। केमिकल लागुऔषध रहेकाले एक व्यक्तिलाई २ देखि १० वर्ष कैद हुनुको साथै एक लाखदेखि १० लाखसम्म जरिवाना हुन सक्ने प्रावधान रहेको एसपी पाण्डेले बताए।
