बझाङ । बझाङको थलारा गाउँपालिकाले गाउँपालिका भित्र रहेका जेष्ठ नागरिकलाई ब्लाङ्केट वितरण अभियान सुरु गरेको छ ।
गाउँपालिका भित्रका जेष्ठ नागरिकहरुलाई सम्मान स्वरुप ब्लाङ्केट वितरण अभियान सुरु गरेको गाउँपालिका अध्यक्ष भुवनेश्वर उपाध्यायले बताए ।
८० बर्ष भन्दा माथिका २ सय ८० जना जेष्ठ नागरिक रहेको थलारा गाउँपालिकामा शनिबार एक कार्यक्रमका विच वडा नँ ७ बाट ब्लाङ्केट वितरण अभियान कार्यक्रम सुरु गरेको हो । सनिवार वडा नँ ७ का ४० जना जेष्ठ नागरिकलाई ब्लाङ्केट वितरण गरिएको छ ।
चिसो बढेसँगै जेष्ठ नागरिकलाई राहात तथा सम्मान हुने उद्देश्यले उक्त अभियान सुरु गरेको समेत अध्यक्ष उपाध्यायले बताए । ८० बर्षभन्दा माथिका जेष्ठ नागरिकलाई सम्मानस्वरुप ब्लाङ्केट वितरण गरिएको वडा नं. ७ का वडाध्यक्ष भीमबहादुर रोकायाले बताए ।
