काठमाडौं । अख्तियार दुरुपयोग अनुसन्धान आयोगले नापी कार्यालय कलंकीका एक कर्मचारीलाई घुस रकमसहित पक्राउ गरेको छ ।
चन्द्रागिरी नगरपालिका–१३ मा रहेको जग्गा हालसाविक गरी नयाँ पूर्जा बनाउने प्रयोजनमा सेवाग्राहिसँग १३ हजार घुस लिएको आरोपमा नापी कार्यालय कलंकीका कार्यालय सहयोगी पदमा कार्यरत एकेन्द्र कुँवर पक्राउ परेका हुन् ।
अयोगको केन्द्रीय कार्यालय टंगालबाट खटेको टोलीले कुँवरलाई १३ हजार रुपैयाँ घुस रकम सहित कार्यालय परिसबाटै पक्राउ गरेको हो ।आयोगको टोलीले नापी कार्यालय कलंकीका प्रमुख र सर्भेक्षकको मोवाइल समेत नियन्त्रणमा लिएको जनाएको छ ।
कार्यालय सहयोगीलाई विचौलिया बनाएर सेवाग्राहिसँग घुस लिएको गुनासो आएपछि आयोगको टोलीले कार्यालय प्रमुख र सर्भेक्षकको मोवाइल नियन्त्रणमा लिएको स्रोतको दावी छ ।
