सर्लाही । ईलाका प्रहरी कार्यालय हरिवनले एक जना फरार प्रतिवादी पक्राउ गरेको छ । सवारी ज्यान मुद्दामा दुई महिना कैद र रु २ हजार जरिवाना तोकिएका हरिवन नगरपालिका ८ का अन्दाजी ३० वर्षीय चूडाबहादुर राई (सुरज)लाई प्रहरी टोलीले घरबाटै पक्राउ गरेको ईलाका प्रहरी कार्यालय हरिवनका प्रहरी प्रमुख प्रहरी निरीक्षक भुपेन्द्र गिरीले जानकारी दिए ।
प्रहरी निरीक्षक गिरीका अनुसार गत वर्ष चैत ९ गते सर्लाही जिल्ला अदालतबाट सवारी ज्यान मुद्दामा कैद र जरिवानाको फैसला गरेपछि राई फरार भएका थिए । उनलाई पक्राउ गरि अदालत बुझाइएको हो ।
प्रहरीले यसअघि बिहीबार पनि चोरी मुद्दामा एक महिना कैद र रु ६० हजार जरिवाना तोकिएपछि फरार भएका हरिवन नगरपालिका–११ का बुधन भन्ने शेष हमिद (बुधन)लाई पक्राउ गरेको थियो ।
