ट्याक्टरका सहचालकलाई कालिगण्डकी नदीमा फाल्ने मुख्य अभियुक्त पक्राउ


स्याङ्जा । लु.अ.अ.फ. १०१२ अस्थायी नम्बरप्लेट भएको ट्याक्टरका सहचालक गल्याङ नगरपालिका-८ बंग्रान्ती बस्ने १९ वर्षीय गणेश गाहालाई घाइते अवस्थामा कालिगण्डकी नदीमा फालेको अभियोगमा सोही ट्याक्टरका चालक गल्याङ नगरपालिका-८ बंग्रान्ती बस्ने २७ वर्षीय अमित परियारलाई शुक्रबार प्रहरीले पक्राउ गरेको छ ।

ट्याक्टरबाट खसेर घाइते भएका आफ्नै ट्याक्टरका सहचालकलाई नदीमा बगाएको भन्ने सूचना प्राप्त हुनासाथ जिल्ला प्रहरी कार्यालय स्याङ्जाबाट खोजतलास तथा अनुसन्धानको लागि खटिएको प्रहरी टोलीले घटनामा संलग्न ट्याक्टरका अर्का सहचालक गल्याङ नगरपालिका-८ बंग्रान्ती बस्ने २१ वर्षीय सुनिल रानालाई पाल्पा प्रहरीको सहयोगमा चैत ८ गते पक्राउ गरेको थियो ।
सोही घटनामा संलग्न रही फरार रहेका मुख्य अभियुक्त तथा चालक अमितलाई श्रीमती र छोरी सहित भारततर्फ भाग्न लागेको अवस्थामा वडा प्रहरी कार्यालय वालिङ स्याङ्जाबाट खटिएको प्रहरीले रूपन्देहीको वेलहिया नाकाबाट फेला पारी पक्राउ गरेको हो ।

चैत ५ गते ट्याक्टर चालक अमित तथा सहचालकद्वय सुनिल र गणेशले साँखरबाट दिनभरी वालुवा बोकी बेलुकी फर्कने क्रममा गणेश ट्याक्टरबाट खसेर घाइते भएपछि उनलाई अमित र सुनिलले सोही ट्याक्टरमा राखेर कालिगण्डकी साँखरघाटमा लगी नदीमा बगाएको खुल्न आएको छ ।

अमितलाई जिल्ला अदालत स्याङ्जाबाट म्याद थप अनुमति लिई थप अनुसन्धान भईरहेको जिल्ला प्रहरी कार्यालय स्याङ्जाले जनाएको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

काठमाडौं । कर्तव्य ज्यान मुद्दाका फरार प्रतिवादी सिन्धुपाल्चोकका ४२ वर्षीय काले वाङगेल भन्ने निमा लामा पुस ३ गते पक्राउ परे । जिल्ला अदालत सिन्धुपाल्चोकको २०७१..