सिरहा । राष्ट्रिय स्वतन्त्र पार्टी (रास्वपा) सिरहा क्षेत्र नं. २ को क्षेत्रीय समिति विस्तार गर्ने क्रममा युवा नेता रोबिन यादव उपसभापति पदमा निर्विरोध छनोट भएका छन् ।
पार्टीको सांगठनिक सुदृढीकरण र युवा नेतृत्वलाई प्राथमिकता दिने नीतिका साथ सम्पन्न भएको उक्त भेलाले यादवलाई सर्वसम्मत रूपमा चयन गरेको हो । यादव यस क्षेत्रका युवाहरूमाझ लोकप्रिय र सक्रिय राजनीतिका कारण चिनिन्छन् ।
नवनिर्वाचित उपसभापति यादवले पार्टीको एजेन्डालाई गाउँ-गाउँसम्म पुर्याउने र क्षेत्रको विकासका लागि युवाहरूको आवाज बुलन्द पार्ने प्रतिबद्धता व्यक्त गरेका छन् । कार्यक्रममा पार्टीका स्थानीय नेता तथा कार्यकर्ताहरूको ठूलो उपस्थिति रहेको थियो ।
