काठमाडौं । नेपाली कांग्रेसका महामन्त्री विश्वप्रकाश शर्माले संसद्मा सभामुखलाई रबर स्ट्याम्प बनाएर मर्यादाको चीरहरण गरिएको टिप्पणी गरेका छन् ।
आज (सोमबार) प्रधानमन्त्री पुष्पकमल दाहाल ‘प्रचण्ड’ ले विश्वासको मत लिने क्रममा मार्सल प्रयोग गरिएको थियो । कांग्रेसको अवरोधका बीच प्रधानमन्त्री प्रचण्डले विश्वासको मत लिए ।
‘संसदमा आज सभामुख देखिँन । देखिरहेको छु रबर स्ट्याम्प बनाएर कसैले मर्यादाको चिरहरण गरेको अँध्यारो चित्र मात्र,’– संसद्को सो गतिविधिमा प्रक्रिया जनाउँदै महामन्त्री शर्माले सामाजिक सञ्जालमार्फत यस्तो प्रतिक्रिया दिएका हुन् ।
