सिरहा । गर्मी र वर्षातको मौसम सुरु भएपछि लामखुट्टेको प्रकोप बढेको छ। त्यही प्रकोपबाट जोगाउन सिरहाको लहान नगरपालिकाका प्रमुख मेयर महेश प्रसाद चौधरीले झुल वितरण सुरु गरेका छन्।
मंगलबार वडा नम्बर १५ ढोढनाबाट वितरण सुरु गरेका छन्। त्यहाँको २ सय ७५ विपन्न, दलितलाई वितरण गरिएको मेयर महेश चौधरीले जानकारी गराए। ‘गर्मी र वर्षातको मौसम सुरु हुनेबित्तिकै लामखुट्टेको प्रकोप बढेको छ। टोकाइबाट मानिसहरू बिरामी पर्न थालेका छन्,’ उनले भने, ‘स्थानीयको माग अनुसार यो झुल वितरण सुरु गरिएको हो।’
यस नगरका २४ वटै वडाका गरिब, विपन्न र दलित परिवारलाई पालैपालो झुल वितरण गरिने उनले मेयर चौधरीले सुनाए। डेंगु, मलेरिया जस्ता रोगबाट जोगिन मद्दत पुग्ने उनले सुनाए।
