बाबुरामले राजीनामा दिन भनेको भोलिपल्टै गोरखा पुगेर के भने प्रधानमन्त्री दाहालले ?

काठमाडौं । नेपाल समाजवादी पार्टीका अध्यक्ष बाबुराम भट्टराईले प्रधानमन्त्री पुष्पकमल दाहाललाई गोरखाका मतदातालाई धोका दिएको भन्दै सांसदबाट राजीनामा दिएर पूनः चुनाव लड्न भनेका छन् । बिहीबार बाबुरामले गोरखामा पत्रकार सम्मेलन गरेर यस्तो भनेपछि प्रधानमन्त्री प्रचण्ड भने आजै गोरखा पुगेका छन् । प्रधानमन्त्री प्रचण्डले बाबुरामको टिप्पणीप्रति कुनै धारणा दिएनन् । तर, उनले गोरखाको विकासको लागि आफूले खेलेको भूमिकाको भने चर्चा गरेका छन् ।

बाबुरामले हिजो (बिहीबार) गोरखामा आयोजित पत्रकार सम्मेलनमा भनेका थिए,‘‘प्रचण्डजीले चुनावपूर्वको गठबन्धनलाई अर्को निर्वाचनभन्दा पहिले छोड्नु त राजनीति र नैतिक हिसाबले उपयुक्त हुँदैन, उहाँले त्यसलाई परिवर्तन गर्ने हो भने जसको सहयोगमा उहाँले निर्वाचन जित्नुभएको छ। तिनीहरूलाई त धोका दिएको ठहर्छ। त्यस्तो स्थितिमा उहाँले जितेको निर्वाचन क्षेत्रबाट राजीनामा दिनु र फेरि नयाँ निर्वाचन गर्नु उपयुक्त हुन्छ।’

त्यसको भोलिपल्ट आज (शुक्रबार) प्रचण्डले आफ्नो नेतृत्वको सरकारले यो १४ महिनाको अवधिमा गरेको कामको फेहरिस्त सुनाए । उनले अहिले आफू नयाँ ढंगले सुशासन प्रत्याभूति गराउँदै आमनेपालीहरुलाई सामाजिक न्याय दिने, समृद्धिको यात्रा सुरु गर्ने प्रक्रियामा अघि बढेको दाबी गरे । ‘यहाँहरुलाई थाहा छ, मैले गोरखा जिल्लाको जनप्रतिनिधिको रुपमा तेस्रो पटक देशको प्रधानमन्त्रीको जिम्मेवारीसहित तेस्रो पटक विश्वासको मत लिने झण्डै चौध महिनाको अन्तरालमा पहिलो प्रधानमन्त्री भए जस्तो लाग्छ ।’–प्रधानमन्त्री प्रचण्डको भनाई थियो ।

यस्तै, उनले आफू गोरखाको ऐतिहासिकतालाई पनि अगाडि बढाउन केन्द्रित रहेको उल्लेख गर्दै बुढीगण्डकी जलविद्युत आयोजना, गोरखकाली रबर उद्योग, विमानस्थललगायत विकास निर्माणमा आफ्नो विशेष ध्यान गएको स्पष्ट पारे ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..