समर्थन फिर्ता लिँदै मधेश प्रदेश सरकारबाट बाहिरियो जनमत

काठमाडौं । जनमत पार्टी मधेश प्रदेश सरकारबाट बाहिरिएको छ । आज (मंगलबार) मधेशका मुख्यमन्त्री सरोज यादवलाई दिएको समर्थन फिर्ता लिँदै जनमत सरबारबाट बाहिरिएको हो ।

जनमत प्रदेश सरकारबाट बाहिरिएसँगै पार्टीबाट सरकारमा सहभागी भएका मन्त्रीहरुले समेत राजीनामा दिएका छन् । सप्तरीको राजविराजमा रहेको मधेश कृषि विश्वविद्यालयको भवन शिलान्यासका विषयलाई लिएर जनमत र जनता समाजवादी पार्टीबीच विवाद चुलिएको थियो । मधेशमा जसपाबाटै सरोज यादव मुख्यमन्त्री रहेको अवस्थामा जनमत बाहिरिएको हो ।

मधेश कृषि विश्वविद्यालयको भनव शिलान्यास प्रदेशका शिक्षामन्त्री महेश यादवमार्फत हुनुपर्ने अडान जनमतले लिएको थियो । तर, मुख्यमन्त्री यादवले जसपा अध्यक्ष उपेन्द्र यादवको हातबाट उक्त विश्वविद्यालयको भवन शिलान्यास गराएका थिए ।

मधेश प्रदेश सभामा जनमतका १३ सांसद छन् । मधेश सरकारमा जनमतबाट २ मन्त्री र एक राज्यमन्त्री सहभागी थिए ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..