चोरीको मोटरसाइकलसहित तीन जना पक्राउ

जनकपुर । नगरपालिकाको मोटरसाइकल चोरी गरी भारतीय नम्बर प्लेट राखी चलाउँदै गरेको अवस्थामा प्रहरीले ३ जनालाई पक्राउ गरेको छ ।

मोटरसाइकलसहित पक्राउ परेकाहरुलाई प्रहरीले बिहीबार सार्वजनिक गरेको छ । जिल्लाको फतुवाबिजयपुर नगरपालिकाको ना १ ब ३७९० नम्बरको मोटरसाइकल गएको असोज २९ गते चोरी भएको थियो । गौर नगरपालिका–१ कृष्ण मन्दिरस्थित राज प्रिन्टिङ प्रेस अगाडि पार्किङ गरिराखेको अवस्थामा मोटरसाइकल चोरी गरेको आरोपमा गौर नगरपालिका–५ का नन्दलाल यादव, शिवमकुमार गुप्ता र ईशनाथ नगरपालिका–२ का दिलीप साहलाई पक्राउ गरेको जिल्ला प्रहरी कार्यालय गौरका प्रहरी निरीक्षक उमाशंकर गुप्ताले बताए । ‘हामी अनुसन्धान गर्दै छौं । अरु पनि सवारी चोरीको घटनामा संलग्न हुन सक्छ,’ उनले भने, ‘सरकारी मोटरसाइकलमा भारतीय नम्बर प्लेट राखेर चलाइएको फेला पारेका हौं ।’ तीनै जनालाई कात्तिक १४ गते पक्राउ गरेको हो ।

अदालतबाट म्याद थपेपछि मात्रै प्रहरीले सार्वजनिक गरेको छ । नगरपालिकाले चोरी भएको मोटरसाइकल खोजतलासका लागि जिल्ला प्रहरी कार्यालय गौरमा लिखित निवेदन दिएको थियो । मोटरसाइकलमा बिआर ३० क्यु ४८६८ भारतीय नम्बर राखेर प्रयोग गर्दै आएका थिए । तीनै जनाविरुद्ध जिल्ला अदालतबाट म्याद थप गरेर अनुसन्धान सुरु गरेको प्रहरीले जनाएको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..