एआईजी ज्ञवाली,नेतृ राणा र सचिव पाण्डेबीच भेट भनेको समाचार फेक, प्रहरीद्वारा खण्डन

काठमाडौं । नेपाल प्रहरीको काठमाडौं उपत्यका प्रहरी कार्यालय रानीपोखरीले एआईजी श्यामलाल ज्ञवाली, नेतृ आरजु राणा र निलम्बित सचिव टेकनारायण पाण्डेको नाम जोडेर आएको समाचारप्रति गम्भीर ध्यानाकर्षण भएको जनाएको छ ।

उपत्यका प्रहरी कार्यालयका प्रहरी वरिष्ठ उपरीक्षक हिमालयकुमार श्रेष्ठले बुधबार विज्ञप्ति जारी गरेर एउटा वेबपोर्टलले कार्यालयका प्रमुख तथा एआईजी श्यामलाल ज्ञवाली, नेपाली कांग्रेसकी नेतृ आरजु राणा र निलम्बित सचिव टेकनारायण पौडेलविरुद्ध लेखिएको समाचारको खण्डन गरेका हुन् ।

‘एउटा वेबपोर्टलमा प्रकाशित समाचारप्रति यस कार्यालयको गम्भीर ध्यानाकर्षण भएको छ’, विज्ञप्तिमा भनिएको छ ।

‘प्रहरी अनुसन्धानको क्रममा रहेको नक्कली भुटानी शरणार्थी बनाएर अमेरिका लैैजाने भन्दै नेपाली नागरिकहरूलाई ठगी गरि संगठित अपराध गरेको मुद्दाको निष्पक्ष अनुसन्धानलाई प्रभाव पार्ने गरि कुत्सित मनसायले झुठो, आधारहीन सूचना सम्प्रेषण गरिएको समाचारमा कुनै सत्यता नभएको हुँदा भ्रममा नपर्न हुन अनुरोध गरिएको छ’, विज्ञप्तिमा भनिएको छ ।

प्रहरी वरिष्ठ उपरीक्षक श्रेष्ठले भनेका छन्, ‘प्रहरी अनुसन्धानका क्रममा रहेका मुद्दाको विषयमा गलत, तथ्यहीन, भ्रामक सूचना सम्प्रेषणका कारण अनुसन्धान कार्यमा समेत नकारात्मक असर पर्ने तथा अनुसन्धान कार्यमा संलग्न प्रहरी कर्मचारीको मनोवलमा समेत असर पर्न जाने हुँदा यथार्थ र तथ्यपरक सूचना सम्प्रेषण गरि प्रहरी अनुसन्धानलाई सहि निष्कर्षमा पुर्‍याउन नेपाल प्रहरीबाट भइरहेको अनुसन्धान कार्यलाई सहयोग गरिदिनुहुन सम्बन्धित सबैमा अनुरोध गरिएको छ ।’

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..