काठमाडौं । सशस्त्र प्रहरी बल नेपालका प्रमुख सशस्त्र प्रहरी महानिरीक्षक ( आईजिपी ) राजु अर्याल तथा सशस्त्र प्रहरी बल नेपाल परिवारले नयाँ वर्ष २०८० को अवसरमा विश्वभरि छरिएर रहेका सशस्त्र प्रहरी कर्मचारी , सुरक्षाकर्मी , पत्रकार मित्रहरु , देशवासीसहित नेपाली दिदीबहिनी, दाजुभाइमा सुख, शान्ति, समृद्धि, एवं दीर्घायुको शुभकामना दिएका छन् ।

विगतको अनुभवबाट शिक्षा लिएर आगामी यात्रा तय गर्न आवश्यक रहेको उल्लेख गदैँ आइजिपी अर्यालले नयाँ वर्षले देशमा दिगो शान्ति, सुशासन, राष्ट्रिय एकता र समाजिक सद्भावसहित आर्थिक समुन्नतिका लागि जोश, जाँगर र उत्साह पैदा गरी समाजमा विद्यमान अन्धविश्वास, कुरीति, कुसंस्कारलाई हटाउँदै न्यायपूर्ण सभ्य र सुसंस्कृत समाज निर्माण गर्न हामी सबैलाई प्रेरणा प्रदान गरोस् भनि शुभकाना दिएका छन् ।


