काठमाडौँ । सैनिक श्रीमती संघका अध्यक्ष श्रीमती सुनिता शर्माले प्रसुती कार्यमा आवश्यक पर्ने विभिन्न सामग्री तथा उपकरणहरु काभ्रेपलाञ्चोक जिल्ला, पनौती न.पा. वडा नं.७ मल्पी रोडस्थित प्रसुती गृहका स्वास्थ्य चौकी प्रमुख हेमलता मस्याङ्गीलाई हस्तान्तरण गर्नु भएको छ ।
उक्त कार्यक्रममा काभ्रेपलाञ्चोक जिल्लाका प्रमुख जिल्ला अधिकारी, श्री नं.२६ वाहिनीपति, पनौती नगरपालिका उप प्रमुख, श्री कालीजंग गणका गणपति, सैनिक श्रीमती संघका पदाधिकारीहरु, स्वास्थ्य चौकीका प्रमुख तथा स्वास्थ्यकर्मीहरु, पनौती न.पा. वडा नं.७ का जनप्रतिनिधिहरु र स्थानीय गरी करिब ५० जनाको उपस्थिती रहेको थियो ।


