काठमाडौं । पूर्व प्रधानमन्त्री तथा नेपाल समाजवादी पार्टीका अध्यक्ष डाक्टर बाबुराम भट्टराईले प्रतिनिधिसभा निर्वाचन नलड्ने घोषणा गरेपछि उनको क्षेत्रमा माओवादी केन्द्रका अध्यक्ष प्रचण्ड उम्मेदवार बन्ने चर्चा सुरु भएकाे छ ।
चितवनमा नेपाली काङ्ग्रेसबाट असहयाेग हुने सम्भावना बढेपछि प्रचण्डले गोरखा २ बाट चुनाव लड्ने तयरी गरेका हुन् । उनका सहकर्मी डाक्टर भट्टराईले उम्मेदवार नबन्ने घोषणा गरेपछि उनकाे क्षेत्रमा प्रचण्डले उठ्ने तयारी गरेकाे माओवादी केन्द्रका एक नेताले बताए ।
प्रचण्डले चितवन ३ बाट नै चुनाव लड्ने बताइरहेका छन् । बाबुराम भट्टराई ब्याक भएपछि प्रचण्ड गोरखा २ बाट उठ्ने सम्भावना बढेको माओवादी केन्द्रका एक केन्द्रीय सदस्यले बताए । यद्धपि प्रचण्डले केही प्रतिक्रिया दिएका छैनन् ।
बाबुराम भट्टराई निकट विद्यार्थी नेता रुपनारायण श्रेष्ठले गोरखा २ बाट प्रचण्ड उम्मेदवार बन्ने निर्णय भएको बताएका छन् ।
सामाजिक सञ्जालमा उनले लेखेका छन् ” कम्रेड प्रचण्डले गोरखा(२ बाट संघीय संसदको लागि उम्मेदवारी दिने । उहाँ माओवादी र नेसपाको मात्रै उम्मेदवार होइन । गोरखाको लागि साझा उम्मेदवार हुनुहुनेछ। उहाँ गोरखा आउने खुशीकै कुरा हो ।”


