प्रत्यक्षबाट हटेर निधिले किन राेजे समानुपातिक ?

काठमाडौँ । सरकारको नेतृत्व गरेको नेपाली कांग्रेस प्रदेश र प्रतिनिधिसभा निर्वाचनमा सत्ता गठबन्धनका अन्य दलसँग तालमेलको गृहकार्यमा जुटेका बेला पार्टीका प्रभावशाली नेता विमलेन्द्र निधिले समानुपातिकतर्फ बस्ने निर्णय गरेका छन्। माओवादी केन्द्रसहितका राजनीतिक दलसँग चुनावी तालमेल गरेर जाँदा कांग्रेसका अधिकांश नेता चुनाव जित्नेमा ढुक्कजस्तै देखिएका बेला निधिले भने प्रत्यक्षतर्फ उम्मेदवार नबन्ने निधो गरेका हुन्।

पार्टी निर्देशनअनुसार क्षेत्र र जिल्लाबाट धमाधम उम्मेदवार सिफारिस भइरहेका बेला निधिको गृहजिल्ला धनुषाबाट उनको नाम प्रत्यक्षतर्फ आएन। २०७४ सालको निर्वाचनमा धनुषा–३ मा तत्कालीन राष्ट्रिय जनता पार्टी (राजपा) का नेता राजेन्द्र महतोसँग पराजित भएका निधि अहिले सोही क्षेत्रबाट समानुपातिकमा सिफारिस भएका हुन्।

पार्टी क्षेत्रीय समितिले निधिको नाम समानुपातिकमा राख्दै शुक्रबार प्रत्यक्षतर्फ अन्य नेताहरूको नाम पठाएको छ। धनुषा–३ बाट प्रत्यक्षतर्फ उम्मेदवार बन्न जिल्ला सभापति योगेन्द्र पञ्जियार, नेताहरू गणेश तिवारी र परमेश्वर महासेठले आवेदन दिए पनि पूर्वउपसभापति निधिले भने समानुपातिक रोजे।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..