बाढी र पहिरोका कारण ३५ जनाको मृत्यु


काठमाडौं । वर्षासँगैको बाढी र पहिरोका कारण हालसम्म मुलुकभर ३५ जनाको मृत्यु भएको छ । बाढी, पहिरो र डुबानमा परेर जेठ तेस्रो सातायता ३५ जनाको मृत्यु भएको राष्ट्रिय विपत् जोखिम न्यूनीकरण तथा व्यवस्थापन प्राधिकरणका प्रवक्ता डा. डिजन भट्टराईले जानकारी दिए । बाढीपहिरोमा परेर ३९ जना घाइते भएका छन् । तीन जना अझै बेपत्ता रहेको उनले बताए ।


भट्टराईका अनुसार बाढीपहिरोका कारण ८२ घरमा पूर्ण र ६४ वटा घरमा आंशिक क्षति पुगेको छ । सरकारले मृतकका परिवारलाई राहत स्वरूप दुई लाख रूपैयाँ र घरबारविहीन बनेको परिवारलाई पुर्नस्थापनाका लागि १५ हजार रूपैयाँ प्रदान गर्दै आएको छ । बाढीपहिरो तथा डुबानजस्ता प्राकृतिक विपत्तिबाट हुने क्षति न्यूनीकरण एवम् उद्धारका लागि नेपाली सेना, नेपाल र सशस्त्र प्रहरी लगायतका सुरक्षा निकायलाई तयारी अवस्थामा राखिएको छ ।


यसैबीच आइतबारदेखिको निरन्तरको वर्षाका कारण पहाडी र तराई क्षेत्रमा ४३ जिल्ला बाढीपहिरो तथा डुबानको चपेटामा परेका छन् । सोमबार राति गएको पहिरोले म्याग्दीको मालिका गाउँपालिका–२ मा दुईवटा घर पहिरोमा पुरिँदा एकै परिवारका पाँच जनाको मृत्यु भएको छ ।


पहिरोमा परेर घामबहादुर विक, उनकी श्रीमती राममाया, छोराहरू नवीन र राजन तथा छोरी अस्मीको मृत्यु भएको छ । पहिरोमा परेर घाइते भएका गोठे विक र श्रीमती गोरी विकको रुम स्वास्थ्य चौकीमा उपचार भइरहेको छ ।
कपिलवस्तुमा वाणगङ्गा नदीले तीन जनालाई बगाएको छ ।

बगाएकामध्ये एक जनाको मृत्यु भएको छ । वाणगङ्गा नगरपालिका–९ की राममाया सुनारको मृत्यु भएको हो । उनका पति दिलकुमार सुनार बेपत्ता भएका छन् । छोरालाई भने सकुशल उद्धार गरिएको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..