काठमाडौं । शुक्रबार ललितपुर महानगरपालिकाले आर्थिक वर्ष २०७९/०८० को नीति तथा कार्यक्रमपछि बजेट सार्वजनिक गरेको छ । महानरले ६ अर्ब ३५ करोड ३५ लाख रुपैयाँको बजेट ल्याएको छ ।
ललितपुर महानगरपालिकाका प्रमुख चिरिबाबु महर्जनले आर्थिक वर्ष वर्ष २०७९/०८० को नीति तथा कार्यक्रम प्रस्तुत गरेका थिए । सार्वजनिक बजेटमा ललितपुर महानगरले कल सेन्टर चलाउने नीति पनि समावेश गरिएको छ ।
यस्तै, महानगरपालिकाबाट कालोपत्रे भएका सडकहरु २ वर्षसम्म खन्न नदिइने, विश्व सम्पदा सूचीमा परेका बाहेक अन्य सबै योजनामा १० प्रतिशत जनसहभागिता अनिवार्य गरिने पनि बजेटमा ल्याइएको छ ।
