सल्यान । माओवादी र समाजवादीको गठबन्धनलाई पछि पार्दै सल्यानको सिद्धकुमाख गाउँपालिका अध्यक्षमा कांग्रेसका भरत गिरी विजयी भएका छन् । निकटतम प्रतिद्वन्द्वी नेकपा समाजवादीका उम्मेदवार चित्रबहादुर चलाउनेलाई उनले पछि पारेका हुन् ।
विजयी गिरीले २ हजार १ सय ७३ मत ल्याएका थिए । उनका निकटतम प्रतिद्वन्द्वी नेकपा समाजवादीका चित्रबहादुर चलाउनेले १ हजार ७ सय ९८, एमालेका जीतबहादुर चलाउनेले १ हजार ३ सय ३५ मत ल्याए ।
मतगणनाका सुरुवाती समयमा समाजवादी अगाडि देखिए पनि पछिल्लो समयमा कांग्रेसले अग्रता लिएको थियो । यस्तै उपाध्यक्षमा माओवादी केन्द्रले जितेको छ । माओवादीका विजयी उम्मेदवार रामबहादुर बस्नेतले २ हजार ३५ मत ल्याएका छन् भने उनका निकटतम प्रतिद्वन्दवी कांग्रेसकी पुर्णिमा चलाउनेले १ हजार ९ सय ६३ मत ल्याएकी छिन् ।
निर्वाचन अधिकृतले शंकर प्रसाद अधिकारीले निर्वाचितलाई बुधबार प्रमाणपत्र दिने जानकारी गराए । जिल्लाका १० स्थानीय तह मध्ये अहिले कामुख, त्रिबेणी र सिद्धकुमाख गाउँपालिकामा जित हासिल गरेको छ । १० स्थानीय तहका ८३ वडामध्ये २३ वडामा कांग्रेसले अध्यक्षमा जित हासिल गरेको छ ।
