काठमाडौं । मकवानपुरको हेटौंडा उपमहानगरपालिकाको मेयर पदमा राप्रपाका दिपक सिंहको अग्रता कायमै रहको छ । पछिल्लो मत परिणाम अनुसार ९ हजार ९०३ मत गणना गर्दा उनले ३ हजार ४० मत पाएका छन् ।
उनलाई गठबन्धनकी साझा उम्मेदवार नेकपा (एकीकृत समाजवादी)की मिनाकुमारी लामाले २ हजार ९ सय ६३ मतका साथ पछ्याइरहेकी छन् ।
साथै एमालेका उम्मेदवार अनन्त पौडेलले २६७४ मत प्राप्त गरेका छन् । त्यस्तै उपमेयर पदमा भने गठबन्धनका राजेश बानियाँले ४ हजार ४४७ मतसहित अग्रता कायम गरेका छन् ।
उनका प्रतिद्वन्द्वी नेकपा एमालेकी सुमित्रा काफ्लेले ३ हजार ३१० पाएकी छन् । उता राप्रपाकी इन्दिरा डल्लाकोटीले भने ८९१ मत प्राप्त गरेकी छन् ।
