काठमाडौँ । पूर्व अर्थमन्त्री एवं नेकपा एमालेका उपाध्यक्ष विष्णु पौडेलले मुलुकको अर्थतन्त्र स्वाट्टै बिग्रेको बताएका छन् र आफूहरु सरकारमा हुँदो राम्रो रहेको अर्थतन्त्र पछिल्लो सरकार आएपछि बिग्रको उनको भनाइ थियो ।
आज आइतबार एमाले प्रचार विभागद्वारा मुलुकको वर्तमान अर्थतन्त्रको विषयबारे आयोजित एक कार्यक्रमलाई सम्बोधन गर्दै उनले र्थतन्त्र बचाउन सरकारै पूभावकारी हस्तक्षेपको खाँचो रहेको समेत बताए । नत्र यस्तै अवस्था रहे नेपालको हालत पनि श्रीलंकाको जस्तै हुने उनको भनाइ थियो ।
अघिल्लो सरकार हुँदासम्म मुलुकको अर्थतन्त्र स्वस्थ र सुदृढ अवस्थामा रहेको तर वर्तमान गठबन्धन आएदेखि अर्थतन्त्र ध्वस्त हुँदै गएको उनको आरोप थियो । अघिल्लो सरकारले विदेशी मुद्रा सञ्चिति साढे ११ महिनाभन्दा बढी समयको वस्तु तथा सेवा आयात धान्न पुग्ने १४ अर्ब जति रहेको छाडेर बाहिरिएको भन्दै उनले अहिले त्यो अवस्था निकै खस्किएको बताए । रेमिटेन्स घट्नु, सरकारको चालु खाता बढ्नु, बैंकको ब्याजदर उच्च रुपमा बढ्नु, महँगीबढ्नु लगायतले शंकास्पद स्थिति सृजना गरेको उनको भनाइ थियो ।
‘अहिले मुलुकको आर्थिक स्थिति जोखिमपूर्ण स्तरमा छ, हामीले बेलैमा सार्थक हस्तक्षेप गरेनौँ भने र यी समस्याको निराकरण नहुने हो भने मुलुक श्रीलंका हुनबाट कसैले रोक्न सक्दैन,’ उपाध्यक्ष पौडेलले भने, ‘मन्त्री वा प्रधानमन्त्रीले गलत खालका नीति लिने र श्रीलंका हुनबाट जोगाउँछु भन्ने दाबी गरेर मात्र हुँदै, सरकारले नै उचित कदम चाल्नुपर्छ ।’
