काठमाडौं । वैज्ञानिक समाजवादी कम्युनिष्ट पार्टी, नेपालका संयोजक विश्वभक्त दुलाल ‘आहुती’ले आफ्नो दल चुनावमा जाने कि नजाने भन्ने विषयमा राष्ट्रिय भेलाले निर्णय लिने बताएका छन् ।
बुधबार काठमाडौंमा पत्रकार सम्मेलन गर्दै चूनावमा जनतामाझ जाने कुरा सकारात्मक नै भएपनि यस बिषयमा राष्ट्रिय भेलाले निर्णय लिने बताएका हुन् । उनले पार्टी एकिकरण बारे कुनै पार्टीसँग आधिकारीक छलफल नभएको बताए ।
चुनावमा मात्रै जानेलाई राजनीति नभनिने भन्दै उनले चुनाव बाहिर बस्ने पनि राजनीतिको विभिन्न आयाम मध्ये पर्ने धारणा राखे । पत्रकार सम्मेलनमा केन्द्रीय सदस्य मदन अर्यालले प्रज्ञा भवन कमलादीमा भोलि १७ चैत्रको दिउँसो १२ बजे राष्ट्रिय भेलाको उद्घाटन हुने र चैत्र १७ गते साझदेखि १९ गते सम्म भक्तपुरको बोडेमा बन्द सत्रको कार्यक्रम हुने जानकारी दिए ।
