काठमाडौं । डाँका मुद्दामा ६ वर्ष कैद तोकिएका अभियुक्तलाई प्रहरीले काठमाडौंको बूढानीलकण्ठबाट पक्राउ गरेको छ ।
चितवनको खैरहनी नगरपालिका–३ घर भएका कमल श्रेष्ठलाई बिहिबार पक्राउ गरिएको महानगरीय प्रहरी परिसर काठमाडौंका प्रवक्ता (एसपी) दिनेशराज मैनालीले बताए ।
चितवन जिल्ला अदालतले उनलाई ६ वर्ष कैद र २ लाख ६४ हजार जरिवाना हुने फैसला गरेको थियो । फैसलापछि उनी फरार थिए । डाँका मुद्दाका फरार श्रेष्ठलाई ईलाका प्रहरी कार्यालय खैरहनी चितवनमा पठाइएको छ ।
