काठमाडौं । नेकपा ( एमाले ) का अध्यक्ष केपी शर्मा ओली प्रधानमन्त्री शेरबहादुर देउवालाई भेट्न प्रधानमन्त्री निवास बालुवाटार जाँदैछन् ।
संसद्मा पेश भएको अमेरिकी सहायता परियोजना मिलेनियम च्यालेन्ज कर्पाेरेशन (एमसीसी) लगायत विषयमा छलफल गर्न अध्यक्ष ओली प्रधानमन्त्री देउवालाई भेट्न बालुवाटार जान लागेका हुन् ।
सत्तारुढ दल नेकपा माओवादी केन्द्र र नेकपा (एकीकृत समाजवादी)ले संसद्मा एमसीसी पेश गर्न नदिएपछि केही दिनअघि प्रधानमन्त्री देउवा अध्यक्ष ओलीलाई भेट्न उनकै निवास बालकोट पुगेका थिए ।
तर, पछि सत्ता गठबन्धन जोगाउनकै लागि माओवादी र एकीकृत समाजवादीले संसद्मा छलफलका लागि एमसीसी पेश गर्न दिएका छन् । यद्यपि, संसद्मा एमसीसी मतदानका क्रममा विपक्षमा मतदान गर्ने दुवै दलको निर्णय भएको छ ।
यदि, गठबन्धनले साथ नदिएर एमालेले साथ दिएको खण्डमा एमसीसी संसद्बाट सजिलै पारित हुनेछ ।
