काठमाडौं । प्रहरी प्रधान कार्यालयले आइतबार १८ एसपीको सरुवा गरेको छ । कतिपय जिल्लामा एक वर्ष नै नपुगी सरुवा गरिएको छ ।
गृहमन्त्री बालकृष्ण खाणको गृहजिल्ला रुपन्देहीका एसपी मनोज केसीलाई आठ महिनामा नै हटाइएको छ । उनले तस्करीको लाइनमा सहयोग नगरेपछि गृहमन्त्री निकट व्यक्तिले सरुवा गराएको स्रोत बताउँछ ।
रुपन्देहीमा एसपी रबिन्द्र रेग्मी, गोरखामा केदार खनाल, बाग्लुङमा दयानिधी ज्ञवाली, गुल्मीमा दीपक कुमार बस्नेत, सिन्धुलीमा विमलराज कँडेल, धनकुटामा लक्ष्मीराज अधिकारी, डोटीमा शारदा प्रसाद चौधरीलाई पठाइएको छ । जिल्ला इन्चार्ज पाउने सबै जसो कार्यक्षमतामा कमजोरहरु छन् ।
