काठमाडौं । काठमाडौं र काभ्रेबाट १५ जनालाई प्रहरीले तास र नगदसहित पक्राउ गरेको छ ।काठमाडौं महानगरपालिका-१२ टेकु ब्रहम टोलमा तास खेलिरहेको अवस्थामा ९ जनालाई नगद ३९ हजार ६६० रूपैयाँ, ५०० भारतीय रूपैयाँ र १ बुक तास सहित प्रहरी पक्राउ गरेको छ ।
त्यस्तै नमोबुद्ध नगरपालिका-२ खनालथोक काभ्रे बस्ने गोपाल कुईकेलको गोठ घरमा तास खेलिरहेको अवस्थामा ६ जनालाई नगद २ लाख ६० हजार ५३० रूपैयाँ र १८ बुक तास सहित प्रहरीले शनिबार राति पक्राउ गरेको छ ।
