रौतहट । श्रोत नखुलेको रकम सहित रौतहटमा एकजना पक्राउ परेका छन ।शुक्रवार साझ भन्सार सुरक्षा गार्ड, रौतहटबाट खटिएको प्रहरी टोलीले जिल्ला रौतहट गौर नगरपालिका वडा नम्बर १ स्थित भन्सार कार्यालय अगाडी चेकजाँच गर्ने क्रममा भारतको बैरगिनियाबाट गौर तर्फ आईरहेको बि.आर.३० एल ८८८७ नम्वरको मोटरसाईकल बाट तीनलाख श्रोत नखुलेको रकम बरामद गरेको हो ।
मोटरसाईकल चालक रौतहट दुर्गा भगवती गाउपालिका वडा नम्बर ४ वस्ने वर्ष ५० को बिनोद प्रसादले लगाएको जुता भित्र लुकाई राखेको र श्रोत नखुलेको नेपाली रुपैया तीन लाख फेला पारी आवश्यक कारवाहीको लागि भन्सार कार्यालय बुझाईएको जिल्ला प्रहरी कार्यालय रौतहटका डिएसपि सुनिल मल्लले जनाएका छन ।
