काठमाडौं । प्रधानमन्त्री निवास बालुवाटारमा त्रिपक्षीय नेताहरुबीच भेटवार्ता सुरु भएको छ । सत्तारुढ दल नेपाली कांग्रेसका सभापति एवं प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र प्रमुख प्रतिपक्षी दल नेकपा एमालेका अध्यक्ष केपी शर्माबीच बालुवाटारमा भेटवार्ता सुरु भएको छ ।
भेटवार्तामा तीन नेताबीच स्थानीय तहको निर्वाचन, अमेरिकी सहयोगसम्बन्धी सम्झौता मिलेनियम च्यालेन्ज कम्प्याक्ट (एमसीसी) विषयमा छलफल हुने बताइएको छ ।
प्रधानमन्त्रीबाट बहिर्गमन भएपछि एमाले अध्यक्ष ओली पहिलोपटक प्रधानमन्त्री देउवासँग छलफल गर्न बालुवाटार पुगेका छन् ।
भेटवार्तामा तीन नेतासँगै एमाले महासचिव शंकर पोखरेल र सञ्चारमन्त्री ज्ञानेन्द्रबहादुर कार्की पनि सहभागी भएका छन् ।
