काठमाडौं । अर्थमन्त्री डा. स्वर्णिम वाग्ले र भारतका अर्थ तथा वित्तीय मामिलामन्त्री निर्मला सीतारमणबीच नयाँदिल्लीमा द्विपक्षीय भेटवार्ता भएको छ।
बिहीबार भएको भेटवार्तामा नेपाल–भारत आर्थिक साझेदारीलाई थप सुदृढ र विस्तार गर्ने विषयमा छलफल भएको हो । भेटमा विकास सहकार्य, बाढीपछिको पुनर्निर्माण, व्यापार, लगानी, ऊर्जा तथा कनेक्टिभिटीलगायत पारस्परिक हितका विभिन्न विषयमा छलफल भएको नयाँदिल्लीस्थित नेपाली दूतावासले जनाएको छ।
त्यस क्रममा नेपाल र भारतबीच लामो समयदेखि कायम आर्थिक सम्बन्धलाई थप व्यापक बनाउँदै सहकार्यका नयाँ क्षेत्र विस्तार गर्ने विषयमा समेत दुवै मन्त्रीबीच विचार आदानप्रदान भएको थियो।
