कैलाली । प्रहरीले कैलालीमा ठूलो परिमाणमा अफिम बरामद गरेको छ ।जिल्लाको लम्कीचुहा नगरपालिका ३ स्थित चिसापानीको प्याराडाइज होटलबाट लागुऔषध नियन्त्रण ब्युरो शाखा कार्यालय महेन्द्रनगर र ईलाका प्रहरी कार्यालय चिसापानीबाट खटिएको संयुक्त टोलीले आइतबार १ किलो ७०६ ग्राम अफिम बरामद गरेको हो ।
विशेष सूचनाका आधारमा खटिएको प्रहरी टोलीले अफिमसहित जुम्लाको गुठीचौर गाउँपालिका–४ का ३८ वर्षीय मेघराज खत्री र अर्का जाजरकोटको बारेकोट गाउँपालिका–३ का ३२ वर्षीय भक्त बहादुर शाहीलाई पक्राउ गरिएको कैलाली प्रहरीले जनाएको छ ।
