काठमाडौं । नेपाली कांग्रेसका महामन्त्री गगन थापाले रास्वपाका सभापति रवि लामिछानेले आफू गृहमन्त्री भएको बिर्सिएको बताएका छन् ।
आइतबार लामिछानेले प्रतिनिधिसभा बैठकमा बोलेपछि पत्रकार सम्मेलन गर्दै थापाले यस्तो बताएका हुन् । उनले लामिछाने टेलिभिजन प्रस्तोता हो कि गृहमन्त्री भन्नेमा आफू अलमलिएको बताए ।
“गृहमन्त्री हो कि टेलिभिजन प्रस्तोता भन्ने कुरामा थोरै अलमल भयो । गृहमन्त्री हो भन्ने कुरा माननीय गृहमन्त्रीले बिर्सनुभयो कि भन्ने लाग्यो,” उनले भने ।
टेलिभिजन प्रस्तोता हुँदा प्रश्न उठाउने विषय स्वाभाविक रहेको उनको भनाई छ । तर, गृहमन्त्रीले फाइल खोल्दिऊँ ? भनी प्रश्न गर्नु स्वाभाविक नहुने उनको भनाइ छ ।
