काठमाडौं । प्रहरी नायब महानिरीक्षक (डीआईजी)बाट प्रहरी अतिरिक्त महानिरीक्षक (एआईजी)मा बढुवा भएका दुई जनालाई दर्ज्यानी चिन्ह प्रदान गरिएको छ।
आईजीपी बसन्त बहादुर कुँवरले एआईजीमा बढुवा भएका उमेशराज जोशी र भीमप्रसाद ढकाललाई दर्ज्यानी चिन्ह प्रदान गरेका हुन् ।
मन्त्रिपरिषद्को बैठकले जोशी र ढकाललाई एआईजीमा बढुवा गर्ने निर्णय गरेको थियो । मन्त्रीपरिषद्ले उनीहरूको पदस्थापन समेत गरिसकेको छ।
जोशी प्रहरी प्रधान कार्यालयस्थित प्रदेश समन्वय विभाग र ढकाल मानव स्रोत विकास विभागमा पदस्थापन भएका छन् ।
