काठमाडौं । चैत २७ गते काठमाडौंमा गर्न लागेको वृहत्त जनप्रदर्शनको माहोल बनाउन राष्ट्रिय प्रजातन्त्र पार्टी (राप्रपा) ५ दिने मधेश यात्रामा निस्किने भएको छ ।
हिन्दू राज्य घोषणादेखि राजसंस्था पुर्नस्थापनासमेतलाई जोडेर सरकारलाई ४० बुँदे मागपत्र बुझाएको राप्रपाले भोलिदेखि ५ दिनसम्म अध्यक्ष राजेन्द्र लिङ्देनको नेतृत्वमा तराई मधेश यात्रा गर्न लागेको राप्रपाले जनाएको छ ।
राप्रपा अध्यक्ष राजेन्द्र लिङदेनको नेतृत्वमा हुने तराइ मधेश स्तरीय विभिन्न कार्यक्रममा वरिष्ठ नेता उपाध्यक्ष बुद्धिमान तामाङ, वरिष्ठ उपाध्यक्ष रवीन्द्र मिश्र, महामन्त्री डा.धवलशमसेर राणा, प्रवक्ता ज्ञानेन्द्र शाही, मधेस प्रदेशका अध्यक्ष भरत गिरी, प्रतिनिधिसभा सदस्य बिना जयसवाल, नेतृ खुस्बु ओली र पार्टी सम्बद्ध युवा, विद्यार्थी, महिला संगठनका अध्यक्षहरु रहनेछन्।
सोमबार जनकपुरको जानकी मन्दिरमा पूजा अर्चना गरेर सुरु हुने मधेश यात्रा सप्तरीको लाहनमा भेला गरेर बोधिवसान नगरपालिकामा आमसभा गरेर यात्रा सक्ने राप्रपाले जनाएको छ ।
