काठमाडौं । राष्ट्रिय स्वतन्त्र पार्टीका सांसद हरि ढकालले सरकारले पशु पालक किसानका समस्य समाधान गर्न नसकेको भन्दै आकोश व्यक्त गरेका छन् ।
आज बसेको प्रतिनिधि सभाको शून्य समयमा बोल्दै सांसद ढकालले किसानका तममा समस्यमा सरकार टुलुटुलु हेरेर बसेको भन्दै यस्तै अवस्था रहेमा किसानले पालेका पशु चौपाय सिंहदरबार र बालुवाटारमा लगेर हलिदिने चेतावनी दिएका छन् ।
उनले भने– ‘प्रणय बन्धनका प्रेमिलभन्दा पनि बढी यो गठबन्धन सरकारका कृषि मन्त्री बेदुराम भुसाललाई म प्रश्न गर्न चाहन्छु । तपाई कृषि मन्त्री भएपश्चात् मनलाग्दी नियुक्ति बाहेक तपाईँले गरेको एउटा काम के हो कृषि क्षेत्रको लागि के हो एउटा काम भनिदिनुस् ।
दूध किसानको हालत उस्तै छ, मिल्क होलिडे सुरु भएको छ, भुक्तानी पाएका छैनन्, अब यो सरकार र कृषि मन्त्रीलाई ब्युँझाउनलाई किसानहरूले पालेका पशु चौपाया ल्याएर सिंहदरबार हुल्दिने हो कि बालुवाटार हुल्दिने हो ? नत्र सरकार ब्युँझिँदैन ।’
