बैंकिङ कसूर मुद्दाका फरार प्रतिवादी रामभक्त थापा सिआइबीको फन्दामा

काठमाडौं । नेपाल प्रहरीको केन्द्रीय अनुसन्धान ब्युरो (सिआइबी) ले बैंकिङ कसूरमा फरार रहेका राम भक्त थापालाई पक्राउ गरेको छ । पुनरावेदन अदालत पाटनको मिति २०७१ बैशाख २९ गतेको फैसलाले थापालाई बैंकिङ कसूर तथा सजाय ऐन, २०६४ को दफा १५ (२) (घ) बमोजिम तीन वर्ष कैद र विगो असूल गरी विगो बमोजिम जरिवाना हुने ठहर गरेको थियो ।

सिआइबीका अनुसार थापाले क्यापिटल मर्चेन्ट तथा फाइनान्स कंपनी लिमिटेडका पदाधिकारी र कर्मचारीहरूलाई प्रभावमा पारी आफू सञ्चालक रहेको काभ्रे ब्रोइलर सप्लायर्स नामक प्राइभेट फर्मको फर्जी कागजातहरू तयार गरी आठ करोड पचास लाख रुपैंया कर्जा लिएका थिए ।

सो कर्जा दुरुपयोग गरी क्यापिटल मर्चेन्ट तथा फाइनान्स कंपनी लिमिटेडलाई नौ करोड सात लाख छ हजार तीन सय अठहत्तर रुपैंया चौहत्तर पैसा विगो बराबर हानी नोक्सानी पुर्याएको भन्ने बैंकिङ कसूर मुद्दामा (साविक) पुनरावेदन अदालत पाटनले सजाय सुनाएको थियो ।

फरारा रहेका थापालाई सिआइबीको टोलीले मिति २०८० माघ २६ गते कोटेश्वर, काठमाडौंबाट पक्राउ गरी फैसला कार्यान्वयनको लागि मिति २०८० माघ २८ गते काठमाडौं जिल्ला अदालतमा पेश गरेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..