काठमाडौं । नेपाल भ्रमणमा रहेका भारतीय विदेशमन्त्री डा. एस जयशंकरले पशुपतिनाथ मन्दिरको दर्शन गरेका छन् । उनी हिजोमात्रै नेपाल–भारत संयुक्त आयोगको सातौँ बैठकमा सहभागी हुन नेपाल आएका हुन् ।
मन्दिरको दर्शन गरेलगत्तै विदेशमन्त्री जयशंकरले पशुपतिनाथ परिसरमा रुद्राक्षको विरुवा रोपेका छन् । काठमाडौं ओर्लिएकै दिन जयशंकरले नेपालका उच्चपदस्थ व्यक्तित्वहरुसँग भेटवार्ता गरेका छन् । उनी आजै स्वदेश फर्किने कार्यक्रम छ ।
