क्यासिनोमा भारतीय प्रतिबन्धित नोट खोज्दै प्रहरी

नेपालगन्ज । नेपालगन्जमा भारतीय नागरिकलाई लक्षित गरेर सञ्चालनमा रहेका करिब एक दर्जन क्यासिनोमा नेपालमा प्रतिबन्धित भारु नोट चल्ने गरेको गुनासो आएपछि प्रहरीले सो बारेमा खोजतलास सुरु गरेको छ ।

जिल्ला प्रहरी कार्यालय बाँकेको निर्देशनमा वडा प्रहरी कार्यालय नेपालगन्जले नेपालगन्जमा रहेका क्यासिनोहरुमा पाँच सय र दुई सयका भारतीय नोट लिने गरेको बारेमा छड्के जाँच सुरु गरेको वडा प्रहरी कार्यालयले जनाएको छ ।

वडा प्रहरी कार्यालय नेपालगन्जका प्रमुख प्रहरी निरीक्षक हरिबहादुर विसीले नेपालमा प्रतिबन्धित भारतीय दुई सय र पाँच सय रुपियाँका नोटहरु क्यासिनोहरुमा प्रयोग भइरहेको भन्ने गुनासो बारे बुझ्नका लागि छड्के जाँच सुरु गरिएको बताउनुभयो ।

उहाँले छड्के जाँचका क्रममा क्यासिनोमा नेपाली प्रवेश भए नभएको बारेमा पनि जाँच गर्ने गरिएको बताउनुभयो । हालसम्म गरिएको छड्के जाँचका क्रममा नेपालमा प्रतिबन्धित भारतीय दुई सय र पाँच सय रुपियाँका नोट क्यासिनोमा नभेटिएको प्रहरी निरीक्षक विसीले बताउनुभयो ।

उहाँले छड्के जाँचको क्रममा नेपालगन्जका क्यासिनोमा नेपालीहरु पनि नभेटिएको जनाउँदै तर निरीक्षण र अनुगमन निरन्तर जारी राखिने बताउनुभयो ।

जिल्ला प्रहरी कार्यालय बाँकेका प्रहरी प्रमुख एसपी सुभाषचन्द्र बोहराको निर्देशनमा वडा प्रहरी कार्यालय नेपालगन्जले क्यासिनो, स्पा र होटलहरुमा छड्के जाँचलाई तीव्र पारेको छ ।

यसअघि स्पा र क्यासिनोमा छड्के जाँच गर्दा स्पाहरुमा अवैध गतिविध गर्ने आठ जनालाई नियन्त्रणमा लिएर कानुनी कारवाही गरिएको थियो ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..