सिरहा । सिरहा जिल्लामा भन्सार राजस्व चुवाहट बढेपछि सिरहा प्रहरी कडा रुपमा प्रस्तुत हुदै गएको छ । भारतबाट चोरी तस्करी गरेर अवैध समान नेपाल भित्रिन थालेपछि पृथक योजना बनाएर सिरहा प्रहरी निर्मम एक्सनका साथ अघि बढदै गएको हो ।
चडवाडलाई लक्षित गरेर जिल्ला प्रहरी कार्यालय सिरहाले सम्भावित चोरी तस्करी नियन्त्रणका लागि सकृयता देखिएको छ । तस्कर बिरुद्धको अप्रेसनमा स्वयम सिरहा प्रहरी प्रमुख एसपी टेकुनन्द इवा लिम्बू, प्रहरी नायब उपरीक्षक रबिन्द्र राज पाण्डे , प्रहरी निरीक्षक रुद्रराज कंडेल नेतृत्वको टोलीले फिल्डमै गएर अवैध समान बरामद गर्दै भन्सार चलान गरिरहेका छन ।
सिरहा प्रहरीले भन्सार चोरीछली गरेको करिब ३ करोडको अवैध समान बरामद गरेको छ । सिरहा प्रहरीको तथ्याङ्क अनुसार २ करोड,९३ लाख, २६ हजार १८० रुपैँया बराबरको अवैध समान बरामद गरेको छ । यसविचमा तस्करीमा संलग्न झण्डै ८ जना मानिस पक्राउ गरेको जनाएको छ ।
सिरहाका प्रहरी प्रमुख एसपी लिम्बुले जिल्लाभरी भन्सार चोरी छली बिरुद्धमा प्रहरीले कार्बाहीले बताएको बताए । यस अघि भन्सार चोरीछली तस्करी नियन्त्रणमा प्रहरीले अपनाएको विधीभन्दा अहिले पृथक विधी अघि सारेर भन्सार चोरी तस्करी नियन्त्रणमा खटिएको बताउदै विगतमा हामीले भारतबाट साहुको समान ओसार्ने क्यारिङ्गकर्ता मात्रै समान्दै आएको भएपनी अहिले हामीले क्यारिङ्गकर्ता पछ्याउँदै समानको मालिसम्मै पुगेर कार्बाही चलाएकाले करोडौंको भन्सार छलिका सामान बरामद गर्न सफल हुदै आएको बताएका छन ।
नागरिकले समेत यसरी नै प्रहरीले निष्पक्ष भएर भन्सार राजस्व छली बिरुद्धमा एक्सनमा उत्रिनुपर्ने सुझाव दिएका छन । कसैले भन्सार, सीमा क्षेत्रमा रहेका प्रहरीसंग सेटिङ्ग गरेर लाखौँ कमाउने कसैले भन्सार तिरेर खाने गुजारा पनि नहुने भन्दै भन्सार राजस्व छली बिरुद्धमा प्रहरीको अभियान सरानिय भएको स्थानीयको धारणा छ । स्थानीयले राजस्व चोरीछली बिरुद्धको प्रहरी अभियान निरन्तर संचालनमा सुझाव दिएका छन ।
