लहान । सिरहाकाे सुखिपुर नगरपालिकाका मेयर रामअवतार यादवले मिलाेमताेमा टेण्डर मार्फत डेढ कराेड अनियमितता गरेर माेहनपुरमा सुविधा सम्पन्न दुई तल्ले पक्कि घर बनाएकाे पर्दाफास भएकाे छ ।
आर्थिक बर्ष २०७६/२०७७ मा मिलाेमताे मार्फत तीनओटा टेण्डरकाे फर्जि कागजपत्र पेश गरेर मेयर यादवले डेढ कराेड रूपैयाँ झ्वाम पारेका थिए ।
महालेखापरीक्षककाे कार्यालयले सार्वजानिक खरीद ऐन , २०६३ काे दफा २६ ( ६ ) मा निर्माण कार्यकाे बाेलपत्रमा मिलाेमताेकाे आशकां देखिएका बाेलपत्र रद्द गर्न सकिने ब्यवस्था भएपनि नगरपालिकाले कृषि विधुतीकरण , सडक कालेपत्रे र पुन: विधुतीकरण शिर्षकमा एउटामात्र बाेलपत्र रीतपूर्वक आएकाे पाईएकाे भन्दै मिलाेमताे रहेकाे भेटिएकाे छ ।
मलेपकाका अनुसार ठेक्का नम्बर २६ मा कृषि विधुतीकरणमा ४८ लाख ३१ हजार ६ सय ९९ रूपैयाँ , ठेक्का नम्बर १८ मा सडक कालाेपत्रेमा ५३ लाख ४७ हजार ७ सय ३ सय १० रूपैयाँ र ठेक्का नम्बर ५० मा विधुतिकरणमा ४९ लाख ९६ हजार ४ सय ३१ रूपैयाँ गरि १ कराे ५१ लाख ७५ हजार ४ सय ४० रूपैयाँ निकासा गरिएकाे भेटिएकाे छ । उक्त रकम मलेपले बेरूजु देखाएकाे छ ।
स्राेतका अनुसार राजनीतिमा लागेर ऋण बाेकेका मेयर रामअवतारले मिलाेमताेमा फर्जि कागजाग पेश गरेर उक्त रकम निकासा गरेर माेहनपुरमा दुई तल्ले घर बनाएका छन् ।
यतिमात्रै हाेईन , उनी आफैले सञ्चालन गरेकाे माछा फर्मका नाममा बर्सेनि लखौ रुपैयाँ पूर्ण अनुदान नगरपालिकाबाट निकासा गर्दै आएका छन् भने उनका डाक्टर छाेरालाई नगरपालिकामा नियुक्ति दिएकाछन् ।
मेयर रामअवतार नेकपा एमालेकाे मधेश प्रदेश अध्यक्ष पनि हुन् । कुनै बेलाका शिक्षक उनी किसान आन्दाेलन मार्फत राजनीतिमा लागेका थिए । यश बिषयमा प्रतिकृया लिन पटकपटक प्रयास गर्दा समेत उनी सम्पर्कमा आउन चाहेनन् ।सुरक्षा खबर राष्ट्रिय दैनिकबाट
