सुनकाण्डमा मुछिएका झलकराम अधिकारीलाई ‘सुनपानी’ : गृहमन्त्री श्रेष्ठ सिआइबीमै पुगेर दबाव दिएको खुलाशा !

काठमाडौं । गत भदौ १३ गते ९ किलो सुन प्रकरणमा नेकपा माओवादी केन्द्र उपाध्यक्ष एवं पूर्व सभामुख कृष्णबहादुर महराका छोरा राहुल महरा बुटवलबाट पक्राउ परे । बाबु छोराको नै संलग्न देखिएको उक्त प्रकरणमा अहेलेसम्म छोरालाई मात्रै नियन्त्रणमा लिएर सिआइबीले छानबीन गरिरहेको छ ।

सोहीदिन प्रहरी अनुसन्धान केन्द्रीय कार्यालयमा अचानक गृहमन्त्री नारायणकाजी श्रेष्ठ प्रकट भए । गोप्य रुपमा सिआइबीमा पुगेका उनले एक व्यक्तिमाथिको अनुसन्धानमा केन्द्रीत रहेर छलफल गरेको स्रोतले जनाकारी दिएको छ । ती व्यक्ति हुन्– झलकराम अधिकारी ।

किन भने ६१ किलो सुन तस्करीका मुख्य अभियुक्त दावा छिरिङसँग शकाष्पद सम्बन्ध देखिएका झलकराम अधिकारी अध्यागमन विभागबाट मन्त्रालय तानिएका थिए । उनी भदौ ७ मा मन्त्रालय तानिएका थिए । सो विषयमा चासो लिएर गृहमन्त्री सिआइबी पुगेका थिए । गृहमन्त्री श्रेष्ठका अति लोकप्रीय पात्र रहेका अधिकारीलाई प्रतिवादी नबनाउन उनले ठूलो दबाव दिएको स्रोत बताउँछ । सोही दबावका कारण सिआइबीले झलकरामलाई सामान्य बयान मात्रै लिएर छाडिदिएको छ ।

जिल्ला अदालतमा दर्ता भएको अभियोग पत्रमा उनलाई प्रतिवादी बनाइएको छैन । श्रेष्ठकै निगाहमा विभिन्न मालदार निकायको नेतृत्वमा पुगेका झलकराम सुनकाण्डमा तानिए गृहमन्त्री श्रेष्ठ समेत तानिन सक्ने खतरा थियो । तर, आफू समेत तानिने डरले यो मुद्दा कमजोर बनाएकोमा आलोचना हुन थालेको छ ।

गृहमन्त्री सिआइबीमा पुग्नै आफैमा शंकाष्पद रहेको जानकारहरु बताउँछन् । ‘उहाँले त सिआइबीको एआइजीलाई चाहँदा नै आफ्नो कार्यालयमा बोलाउन सक्नु हुन्छ नी किन कार्यालयमै धाएर दबाव दिनु पर्यो,’ स्रोतले भन्यो ।

यता सिआइबीका प्रवक्ता नवराज अधिकारी भने आफूलाई थाहा नभएको बताउँछन् । ‘सुनको विषयमा होला । त्यतिबेला म त्यहाँ थिइन । म आइ नपुगेको हुनाले सबै कुरा केन्द्रीय प्रवक्तालाई बुझ्नुस् । यो विषयमा उहाँलाई नै सोध्नु,’ उनले भने ।

यता नेपाल प्रहरीका प्रवक्ता कुवेर कडायतलाई यस विषयमा प्रश्न गर्दा थाहा छैन मलाई भन्दै फोन राखिदिए ।

गृहमन्त्री नारायणकाजी श्रेष्ठलाई यस विषयमा प्रतिक्रिया लिन पटक पटक सम्पर्क गर्दा उनले फोन उठाएनन् ।

झलकरामसँग निकै शंकाष्पद सम्बन्ध देखिएका दावा छिरिङको यतिबेला बयान भइरहेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

काठमाडौं । कर्तव्य ज्यान मुद्दाका फरार प्रतिवादी सिन्धुपाल्चोकका ४२ वर्षीय काले वाङगेल भन्ने निमा लामा पुस ३ गते पक्राउ परे । जिल्ला अदालत सिन्धुपाल्चोकको २०७१..