प्रहरीको ३० औंं आईजीपीमा बसन्तबहादुर कुँवर नियुक्त

काठमाडौं। सरकारले नेपाल प्रहरीको ३० औं आईजीपीमा बसन्तबहादुर कुँवरलाई नियुक्त गरेको छ ।

मन्त्रिपरिषद्को आज शुक्रबार अपराह्न बसेको बैठकले गृह मन्त्रालयको प्रस्तावमा एआर्ईजी कुँवरलाई आईजीपी नियुक्त गर्ने निर्णय गरेको हो । कुँवर पहिलो वरियताका एआईजी हुन् । उनलाई सोमबार मात्रै एआइजी नियुक्त गरिएको थियो । पहिलो वरियताका एआईजीलाई आइजीपी नियुक्ति गरिएकाले विवादरहित निर्णयका रुपमा लिइएको छ ।

प्रधानमन्त्री पुष्पकमल दाहाल ‘प्रचण्ड’ चौथो वरियताका श्यामलाल ज्ञवालीलाई आईजीपी बनाउने पक्षमा थिए । तर उनले प्रहरी निरीक्षकमा सेवा प्रवेश गर्दा उमेर ढाँटेको विषयमा अख्तियार दुरुपयोग अनुसन्धान आयोगले छानबिन गरेपछि उनलाई नियुक्त नगर्न सत्ता साझेदार दल नेपाली कांग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधवकुमार नेपालले आग्रह गरेपछि कुँवरलाई नियुक्ति गर्ने निर्णयमा प्रधानमन्त्री पुगेका हुन् ।

यस आईजीपी बढुवामा कुँवरसहित एआईजी टेकप्रसाद राई, दीपक थापा, श्यामलाल ज्ञवाली र किरण बज्राचार्य प्रतिष्पर्धामा थिए ।

अर्घाखाँचीका कुँवरले शंकरदेव कलेज काठमाडौंबाट स्नातकोत्तर तहसम्मको अध्ययन गरेका छन्।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..