जिफन्टका सचिव रमेश पन्त १० लाख नक्कली नोटसहित पक्राउ

काठमाडौं । नेकपा (एमाले) निकट नेपाल ट्रेड युनियन महासंघका केन्द्रीय सचिव तारानिधि पन्त १० लाख रुपैैयाँ नक्कली नोटसहित पक्राउ परेका छन् ।

प्रहरीका अनुसार वास्तविक नाम तारानिधि पन्त भए पनि रमेशप्रसाद पन्तको नाममा चिनिने उनलाई सर्लाहीको सीमा क्षेत्रमा नक्कली नोट कारोबार गर्नेहरुसँग कनेक्सन देखिएपछि पक्राउ गरिएको हो ।

सर्लाहीको नेपाल–भारत सीमामै नक्कली नोट कारोबारको डिल गरिरहेकै अवस्थामा ४ माघ, २०७९ मा १० लाख सहित उनलाई पक्राउ गरिएको थियो । जिल्ला प्रहरी कार्यालय सर्लाहीका प्रहरी उपरीक्षक (एसपी) नरेशराज सुवेदीले नक्कली नोट कारोबारको आशंकामा पन्तलाई पक्राउ गरिएको बताए । एसपी सुवेदीले भने–‘नक्कली नोट कारोबारी पक्राउ परेकाहरुसँग उनको कनेक्सन देखिएको छ । उनीसहित सीमा क्षेत्रमा शंकास्पद नक्कली नोट कारोबारमा अरु केही पनि पक्राउ परेका छन् ।’


नक्कली नोट १० लाख सहित पक्राउ गरिएको बिषयमा भने एसपी सुवेदीले खुलाउन चाहेनन् । माघ ४ मा पक्राउ परेका परेका पन्तलाई शुक्रबार म्यादथप गरी प्रहरीले अनुसन्धान गरिरहेको छ । नक्कली नोट कारोबारमा संलग्न पन्तलाई छाड्न एमालेका नेताहरुले प्रहरीमाथि दबाब दिइरहेकाले यो प्रकरण गुपचुप राखिएको छ । प्रहरी समेत पन्तको गिरोहलाई पक्राउ गरेको बिषयमा खुलेर बोल्न डराइरहेको छ ।


गृहमन्त्री रवि लामिछानेले नक्कली नोट कारोबारमा संलग्न पन्तलाई कडा कारबाही गराउने हुन् कि एमालेको नेतृत्वको दबाबसामु लत्रिने हुन्, पन्त प्रकरणपछि छर्लङ्ग हुनेछ । पन्तले एमाले नेता महेश बस्नेतमात्र होइन, अध्यक्ष केपी शर्मा ओली र बिष्णु रिमालसँग सम्बन्ध भएको देखाउन सामाजिक संजालमा तस्वीर राख्ने गरेका थिए । नक्कली नोट कारोबारमा पक्राउ परिसकेपछि पन्तको फेसबुक डिएक्टिभ गरिएको छ । अपराधिक क्रियाकलापमा संलग्न पन्तलाई ओलीले पार्टीमा अविरजात्रा गरी प्रवेश गराएर जिफन्टको सचिवको महत्वपूर्ण जिम्मेवारी दिएका थिए । नक्कली नोट कारोबारमा पक्राउ परिसकेपछि पन्तको फेसबुक डिएक्टिभ गरिएको छ ।


को हुन् रमेश भन्ने तारानिधि पन्त ?


नेकपा माओवादी २०६२–०६३ मा शान्ति प्रक्रियामा आएपछि क्यासिनोहरुबाट असुली गरी अकूत सम्पत्ति आर्जन गरेका विवादित पात्र हुन् रमेश पन्त । डा. बाबुराम भट्टराईको निकट भन्दै उनी धेरै संदीग्ध गतिबिधिमा संलग्न भएको गुनासो आएपछि अखिल नेपाल ट्रेड युनियन महासंघले उनलाई कारबाही गरेको थियो ।


महासंघले कारबाही गरेपछि पन्तले महासंघका तत्कालीन अध्यक्ष शालिग्राम जम्कट्टेल(हाल बागमती प्रदेशका मुख्यमन्त्री) माथि नै २०६८ भदौ १० गते साँझ बबरमहलमा खुकुरी प्रहार गरेका थिए । रमेश भन्ने तारानिधि पन्त, इन्द्रबहादुर शाही ठकुरी, प्रभात भन्ने राम पुडासैनी, कमलबहादुर बुढाथोकी र नवीन भन्ने सुदिप कार्कीले जम्कट्टेलमाथि ज्यान मार्ने उद्योगमा मुद्दा दर्ता भएको थियो ।

ज्यान मार्ने उद्योग मुद्दा जिल्ला अदालतमा विचाराधीन अवस्थामा रहेकोमा विपक्षी नेपाल सरकारले २०६९ साउन २ मा मुद्दा फिर्ता लिन निर्णय गरेको थियो ।


आफ्नै नेतामाथि नै खुकुरी प्रहार गर्ने अपराधिक क्रियाकलापमा उत्रिएपछि माओवादीले पन्तलाई कारबाही गरेको थियो । माओवादीले कारबाही गरिसकेपछि रमेश पन्त २०७० एमालेमा प्रवेश गरेका थिए । एमालेले उनलाई जिफन्टको सचिवको जिम्मेवारी दिएको थियो । जिफन्टको १० बर्षभन्दा बढी नेतृत्व एमालेका उपमहासचिव बिष्णु रिमालले गरेका थिए ।

प्रतिक्रिया दिनुहोस

सम्बन्धित समाचार

नेपाल प्रहरी

नेपाल प्रहरीमा डीआईजीबाटै आईजिपी हुने अवस्था

नेपाल प्रहरीमा डीआईजीबाटै आईजिपी हुने अवस्था

अर्काेतर्फ केही डिआइजीहरू व्यक्तिगत स्वार्थका लागि सेवाहद हटाउन नहुने भनेर लबिइङमा लागेकाले पनि यसमा ढिलाई हुने सम्भावना छ । काठमाडौं । नेपाल प्रहरीमा नेतृत्व विकास..