‘एमालेको सरकार बन्न दिँदैनौं, सिध्याएरै छाड्छौं’

काठमाडौं । सत्ता गठवन्धनबाट माओवादी केन्द्र बाहिरिए पनि माधव नेपाल नेतृत्वको नेकपा एस भने मौन बसेको छ । आज बिहान सत्ता गठवन्धनको वैठक छाडेर माओवादी अध्यक्ष प्रचण्ड निस्कनु भए पनि एसका नेताहरु माधव नेपाल र झलनाथ खनालले प्रधानमन्त्री देउवासँग थप वार्ता गर्नुभएको छ ।

माधव निकट एक नेताका अनुसार कुनै पनि हालतमा एमालेको सरकार बन्न नदिने, जसरी पनि नेपाली कांग्रेसको नेतृत्वमा सरकार बनाउन नेकपा एस प्रतिवद्ध रहेको जानकारी देउवालाई दिइएको छ ।

माओवादीको साथ छाड्ने तर कांग्रेसको साथ नछाड्ने माधवको पार्टीका नेताहरुले अनौपचारिक रुपमा बताएका छन् तर कसैले पनि मुख खोलेका छैनन् ।

नयाँ गठबन्धनको तयारी, चार दलका नेताको संयुक्त बैठक

सत्ता गठबन्धन छाडेर माओवादी केन्द्रका अध्यक्ष पुष्पकम दाहाल प्रचण्ड बालकोट पुगेपछि नयाँ गठबन्धनको छलफल सुरु भएको छ । एमाले अध्यक्ष केपी शर्मा ओलीको निवासमा संसदको चौथो ठूलो दल राष्ट्रिय स्वतन्त्र पार्टीसहितका नेताहरु सहभागी छन् ।

बैठकमा जसपा अध्यक्ष अशोक राई पनि छन् । एमाले, माओवादी, रास्वपा र जसपाका नेताहरुको बैठक बालकोटमा शुरु भएको हो । यसअघि राप्रपा अध्यक्ष राजेन्द्र लिङदेनले पनि ओलीलाई भेटेका थिए ।

नारायणकाजी बोकेर ओली निवास छिरे प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्ड बालकोट पुगेका छन् । नेकपा एमालेका अध्यक्ष केपी शर्मा ओलीको निवास बालकोट पुगेका हुन् ।

बालुवाटारबाट बाहिरिएपछि उनी खुमलटार पुगेका थिए । त्यसको केहीबेरमै उनी बालकोट पुगेका हुन् । उनले नेता नारायणकाजी श्रेष्ठ र महासचिव देव गुरुङलाई पनि साथमा लगेका छन् ।

सत्ता गठबन्धनमा सहमति नजुटेपछि प्रचण्ड एमालेको सहयोग लिन बालकोट पुगेका हुन् । राष्ट्रपतिले सरकार गठनका लागि दिएको समय आजै पाँच बजे सकिँदैछ । त्यसअघि नै सहमति जुटाउने प्रयास स्वरुप प्रचण्ड बालकोट पुगेका हुन् ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..