राउतको दौडधुप : बालुवाटारपछि खुमलटार पुगे

काठमाडौं । जनमत पार्टीका अध्यक्ष चन्द्रकान्त (सीके) राउतले भेटघाटमा व्यस्त भएका छन् । 

बिहीबार बालुवाटारमा प्रधानमन्त्री शेरबहादुर देउवालाई भेटेलगत्तै नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेट्न खुमलटार पुगेका छन् ।

अध्यक्ष प्रचण्डलाई भेट्न राउत प्रचण्डनिवास खुमलटार पुगेको प्रचण्डको सचिवालयले जनाएको छ । दाहाल निवास खुमलटार पुगेर राउतले समसामयिक राजनीतिक विषयमा छलफल गरेका हुन् ।

राउत र दाहाल दुवैले निर्वाचन जितेकोमा एक अर्कामा बधाई साटासाट गरेका थिए । सो क्रममा दाहालले सत्ता गठबन्धनसँग सहकार्य गर्न प्रस्ताव राखेका थिए । दाहालको प्रस्तावमा राउतले आफूहरू सकारात्मक रहेको जवाफ दिएका थिए ।

राउत नेतृत्वको दल मधेश प्रदेशमा सरकार निर्माणमा निर्णायक शक्तिको रुपमा रहेको छ । आज मात्रै उनले प्रधानमन्त्री एवम् नेपाली कांग्रेसका सभापति शेरबहादुर देउवासँग पनि भेटवार्ता गरेका थिए । 

सो भेटवार्तामा पनि उनले सरकारमा सहभागी हुनेबारे आफूहरू सकारात्मक रहेको जवाफ दिएका थिए ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..