काठमाडौं । यो वर्ष जिल्ला प्रहरी कार्यालय इलाम उत्कृष्ट भएको बनेको छ । प्रहरी दिवसको अवसरमा आयोजित निरीक्षणमा ७७ जिल्लामध्ये इलाम उत्कृष्ट भएको हो ।
सोमबार प्रहरी दिवसको अवसरमा आयोजित कार्यक्रममा एसपी दिलिप घिमिरेलाई उत्कृष्ट जिल्ला प्रहरी प्रमुखका रुपमा पुरस्कृत गर्न लागिएको छ ।
शान्ति सुरक्षा र अपराध अनुसन्धान लगायत कामको आधारमा इलाम छनोट भएको हो । एआइजी उत्तमराज सुवेदी नेतृत्वको टोलीले यो छनोट गरेको हो । प्रदेश प्रहरी प्रमुखतर्फ १ नम्बर प्रदेशका डिआइजी सुदीप गिरी पुरस्कृत हुनेछन् ।
